Атырау облысында қамыс өрті өшірілді

682 просмотра

Ағымдағы жылдың 26 наурыз күні сағат 16:55-те Бірлік ауылынан 20 шақырым қашықтықта орналасқан Қиғаш өзенінің жағалауында қамыс жанып жатқаны туралы шақырту түсті, деп хабарлайды ҚР ТЖМ.

Өрт сөндіру бөлімшесі шақырту орнына жеткен кезде "Құрманғазы ормандар мен жануарлар дүниесін қорғау мекемесі" КММ аумағында қамыстардың жануын анықтады. Қамыс өрт жалпы ауданы 30 га құрады. Оның ішінде ТЖД қызметкерлерімен және "Құрманғазы ормандар мен жануарлар дүниесін қорғау мекемесі" КММ күштерімен 21га көлемінде қамыс өрті жойылды және 9 га өрт өздігінен өшкен. Өрт 21:30 сағатта толықтай жойылды. Зардап шеккендер жоқ.

Аймақтың қол жетімділігі қиын болғандықтан, өрт сабалау құралдарымен сөндірілді, өйткені бұл осы жағдайда ең тиімді әдіс.

Өртті сөндіруге Атырау облысы ТЖД, "Құрманғазы ормандар мен жануарлар дүниесін қорғау мекемесі" КММ 31 қызметкері, 1 бірлік техникасы, 5 дана мотопомпасы, 4 бірлік қайығы жұмылдырылды.

27 наурыз 2023, 15:47

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.