Атырау, 19 наурыз 14:18
 бұлыңғыр боладыВ Атырау +4
$ 449.30
€ 489.69
₽ 4.89

Чехия Ресей мен Беларусь азаматтарына виза бермейтін шектеуді бір жылға созды

727 просмотра

Чехия Ресей мен Беларусь азаматтарына виза бермейтін шектеуді 2024 жылдың наурызына дейін ұзартты. Бұл шешімді 22 наурызда ел үкіметі қабылдады, деп хабарлайды Аzattyq.org.

ІІМ басқа елдің азаматтығы бар ресейліктер мен беларустерге де шектеу қоюды ұсынып, бұл бастама да мақұлданды.

Ресей және Беларусь азаматтарына виза гуманитарлық себептермен берілуі мүмкін. Еуропа одағының азаматтығы бар және одақ елдерінде тұрақты тұрып жатқандардың туыстарына виза беріле бермек.

Чехия былтыр Ресей Украинаға басып кірген тұста ресейліктер мен Беларусь азаматтарына виза беруді тоқтатқан еді. Балтық елдері мен Финляндия да виза беру процесіне шектеу қойған. Бірақ Еуроодақтың кейбір елдері, соның ішінде Италия, Франция, Венгрия Ресей мен Беларусь азаматтарына виза беруді тоқтатқан жоқ, бірақ виза алу қиындай түсті.

Кеше, 22 наурызда Литва парламенті Ресей азаматтарына виза беруге, тұрақты тұруға рұқсат беруге және олардың азаматтық пен үй алуына шектеу қоятын заң жобасын бірінші оқылымда мақұлдады.

24 наурыз 2023, 15:05

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.