Атырау автопаркі 10 жаңа автобуспен толықты

16 наурызда «Algabus» автопаркі жаңа 10 автобуспен толықты. Осыған орай өткізілген шараға қала әкімі Мейірім ҚАЛАУИ қатысты.

Қала әкімдігінің мәліметінше, «Yutong» маркалы жаңа автобустар (Қытай) №10 және №20 маршруттарында қатынайтын болады. Жаңа автобустар мүмкіндігі шектеулі жандардың еркін қозғалуына мүмкіндік береді. Ол үшін арнайы көтергіш құралы орнатылған. 20 орындық және тұрып тұруға 30 орын бар, GPS, салқындатқышпен, бейнебақылау камераларымен жабдықталған. Айта кетейік, көлік Еуро-5 стандарттарына сәйкес экологиялық таза дизель отынымен жүреді.

Дайындаған Нұрбейбіт НҰҒЫМАНОВ

Суретті қала әкімінің баспасөз қызметі жолдады