Қызылша ауруын жұқтырғандар саны артуда

Жыл басынан бері елімізде қызылша жұқтырды деген күдікпен 56 науқас тіркелген. Оның 20-сы зертханалық түрде расталған. Бұл туралы ҚР Денсаулық сақтау вице-министрі Айжан ЕСМАҒАМБЕТОВА мәлім етті. Атырау облысынанда қызылшаға күдікті 4 жағдай тіркеліп, 2-еуі дәлелденген. Соңғы рет өңірімізде бұл ауру 4 жыл бұрын тіркелген.

Мамандар ата-аналарға міндетті түрде вакцина және ревакцина салуға шақыруда. Айта кетейік, вакцина Дүниежүзілік Денсаулық сақтау ұйымымен сертификатталған, тиімді әрі қауіпсіз. Вакцинация ҚР Ұлттық егу күнтізбесіне сәйкес 12-15 айлық жаста, әрі қарай ревакцинациялау 6 жаста, ақысыз, жергілікті мекенжай бойынша емдеу алдын алу мекемесінде жүргізіледі.

Ләззат ҚАРАЖАНОВА