Орталық көпір «орташа» жөндеу жұмыстарына жабылады

Жақын арада Атыраудағы ең көне көлік көпірін бұзуға тура келуі мүмкін. Бұл туралы «АЖ» тілшісіне берген сұхбатында қала әкімі Мейірім ҚАЛАУИ мәлім етті.

- Үш жыл бұрын тіректердің жылжуына байланысты орталық көпір жөндеуге жабылған кезде оның жағдайы туралы қорытынды үстірт жасалғандықтан, қосымша зерттеуді және кем дегенде жарты жыл мониторингті қажет етеді. Жақында әзірге орташа жөндеу жұмыстарына жабамыз», – деп ескертті ол. – Деформацияланған жіктерді ауыстырып, бүйірлік бетон қоршауларды нығайтып, асфальт төсемін толығымен өзгерту қажет.

М.Қалауидің айтуынша, орнатылған мониторинг жүйелері жыл соңына қарай нақты көріністі білуге мүмкіндік береді. Сол кезде көпірді бұзу немесе қайтадан күрделі жөндеу жөнінде шешім қабылданады.

– Көпірді бұзу үш жылға дейін созылуы мүмкін, бірақ бұзғымыз келмейді. Қалай дегенмен де, қаладағы ең көне көпір, оған жұрт үйреніп қалды... – дейді «АЖ» сұхбатшысы. – Орташа жөндеу кезінде – бұл шамамен бір ай – көпір, әрине, жабылады. Уақытша қолайсыздыққа түсіністікпен қарауды сұраймын. «Орталық» көпірді ретке келтіру керек. Деформацияланған жіктер шұғыл ауыстыруды қажет етеді және бұл орташа жөндеусіз жасалмайды. Бұрын жіктер жай ғана асфальтпен бітелетін, бірақ бұл дұрыс емес.

Наурыздың соңына қарай сметалық құжаттаманы әзірлеу аяқталып, содан кейін жөндеу жұмыстарының құны анықталып, тендер өткізу күні белгіленеді.

Бұдан басқа, екінші жартыжылдықта қаладағы қалған бес көлік көпірі, Жилгородок-Авангард, Балықшы-Жұмыскер, Әлиев-Сатыбалдиев, Баймұханов-Мечников және айналма жолдардағы техникалық тексеру қорытындысы белгілі болады. Бұл үшін бюджеттен 34,5 миллион теңге бөлінді. Бұл жұмыстармен өткен жылы тиісті тендерді жеңіп алған «QRG Standart» ЖШС мамандары айналысып жатыр.

Лев ГУЗИКОВ