Қытай қазақтары Джеки Чанға шапан жауып, қазақша ән айтқызды

Әлеуметтік желілерді Қазақ дәстүрі мен ұлттық құндылықтарымыздың кереметі шарлап кетті. Аты аңызға айналған гонконгтық актер, каскадер, режиссер, продюсер, сценарист және экшн-режиссер Джеки Чанға Қытайдағы қандастарымыз шапан жапты. Халық әнін шырқап, қазақы дәстүрді таныстырды. Кадрда танымал актер "Ақ шашу" әніне қосылып ән салып, билеген, деп хабарлайды "Адырна" ұлттық порталы. 

"Qazaqstan 24/7" Telegram арнасында жарияланған ақпаратқа қарағанда, Джеки Чан фильмді түсіру үшін Іле-Қазақ автономиялық округіне барған.

"Жергілікті қазақтар актерды қарсы алып, шапан жауып, ат мінгізді", - делінген хабарламада.

Qumash_kz Instagram паблигінің жазылушылары Джеки Чанның мұндай видеосына баға берді:

• «Өте сүйкімді»,
• «Жаным, Джеки»
• «Жәке Чанбаев»,
• «Джеки енді Жәке»
• «Ең құрметті Қытай азаматы»,
• «Ақ шашу» екенін түсініп тұрмын, бірақ қытайша әнді тыңдап тұрғандаймын»,
• «Қазақтардың ең маңызды миссиясының бірі – бүкіл әлемге шапан жабу»,
• «Адамның 75%-ы судан тұрса, Джеки шкафының 99%-ы - шапан».

Еске сала кетейік, Қытайда 1,5 миллионға жуық этникалық қазақ тұрады. Олардың қазіргі Қытайдағы жай-күйі жайлы еш айтылмайды. Мұндағы елдің тілегі, қандастардың атажұртына орылып, ел арасына сіңіскені.