Ереженің жеңілдеуі браконьерлер үшін қолайлы болды ма?

Осы аптада жайын мен сазанның көп жүргені байқалды. Рас, бұл тек браконьерлерге қолайлы болды.

Олар балықты зәкірмен аулауда. Бұл тыйым салынған аулау түрі және жақында жеңілдетілген спорттық балық аулау ережелеріне қатысы жоқ.

Ал балық аулау кооперативтері қазір демалыста. Өйткені мұз қатқаннан кейін балық аулауға тыйым салынады. Сондықтан балықтың жүруі нарық бағасына еш әсер етпейді.

Маған бірнеше бейнежазбалар жолданып, балық қорғау қызметкерлерінен бұған түсініктеме беруді өтінген еді. Бірақ олар «бұл бейнежазбаға 10 жыл болған» деп, комментарий беруден бас тартты. Ал біздің дереккөздеріміз кадрлардың жаңадан түсірілгенін айтып, ант-су ішеді.

Мұрат СҰЛТАНҒАЛИЕВ