№30 мектептің төменгі сынып оқушылары қашықтан оқуды жалғастырады

1-4 сынып оқушылары оқу жылының соңына дейін осы форматта оқитын болады. Бұл туралы Атырау облысы әкімінің орынбасары Жасұлан БИСЕМБИЕВ әлеуметтік желідегі парақшасында хабарлады.

Еске салсақ, 16 ақпанда №30 мектептің оқушылары төбеден су ағып, төбе жабындары құлап, балаларға қауіп төнгендіктен қашықтан оқуға ауыстырылған болатын. Осылайша бір апта оқығаннан кейін Атырау облысының білім департаменті оларды басқа мектептерге таратып, оффлайн оқытуға көшіру туралы шешім қабылдады. Мектеп оқушыларын Атырау энергетика және құрылыс, сондай-ақ көлік және коммуникация колледждеріне бөлу нұсқалары қарастырылды, сәл кейінірек оларды №20 және №8 мектептерге «көшіру» идеясы пайда болды.

Алайда №30 гимназия мектебінің ата-аналарына мектептердің тұрғылықты жерінен шалғай орналасуы, 30 минуттық сабақ және үш ауысым болғандықтан ұсынылған нұсқалардың ешқайсысы ұнамады.

«Біз облыс әкімімен №30 мектеп-гимназиядағы апатты жағдаймен танысып, оны шешу жолдарын қарастырдық. Күрделі жөндеу бойынша жұмыс жоспары қаралып, пысықталды. Бүгінде екі мың оқушы қашықтан білім алуда. Ата-аналардан түскен ұсыныс-шағымдарды ескере отырып, оқу жылының соңына дейін бастауыш сынып оқушылары онлайн оқитын болады деп шештік, - деді Бисембиев.

5-11 сынып оқушылары бастапқыда жоспарланғандай, жоғарыда аталған екі колледждің бос кабинеттерінде оқитын болады. Бағына қарай, олар өз мектебіне жақын жерде орналасқан.

Анастасия ШЕРСТЯНКИНА