Тікұшақ апатынан аман қалған атыраулық жетекші инженер оқиғаның қалай болғанын айтып берді

1 414 просмотра

Құтқару операциясы кезіндегі кадрлар. Фото: ҚР ТЖМ

Батыс Қазақстан облысында Ми-8 тікұшағыапатынан аман қалған Сергей Щеглов әуе аппараты қалай ұшқанын айтып берді, деп хабарлайды Zakon.kz.

Сергей Щеглов – «Қазавиапас» компаниясының жетекші инженері, радио және электр құрылғылары бойынша қызмет көрсетеді.

Ол Ми-8 қатты қонғанда тікұшақтың артқы жағында болған.

"Тікұшақтың бәрі бүлінді, дымы қалмаған, жартысы жоқ. Редуктор - ең қарапайым, маңыздысы бір жерге ұшып кетті. Шынымен бәрі жақсы болған, үш сағатқа жуық ұштық. Ауа райы да ыңғайлы болып тұрған. Мен жай ғана артта конспект оқып отырдым. Бір кезде қарасам, жерде отырмын. Бәрі көзді ашып-жұмғанша болды".Сергей Щеглов

Сергей Щегловтың еңбек өтілі – 43 жыл. Оның айтуынша, тікұшақ өте жақсы, іс жүзінде жаңа.

"Тікұшақ өте сапалы... Ол барлығы 250 сағат қана ұшқан. Бұл айтарлықтай аз, былайша айтқанда әлі жап-жаңа. Онда барлығы қарастырылған. Неліктен бұлай болғаны түсініксіз", - деді Сергей Щеглов.

24 ақпан 2023, 13:08

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.