Каталитикалық крекинг қондырғысында жөндеу жұмыстары аяқталды - АМӨЗ

Бекітілген мерзімге сәйкес каталитикалық крекинг қондырғысында жөндеу-қалпына келтіру жұмыстары аяқталып, іске қосу жұмыстары жүргізілді, деп хабарланды АМӨЗ сайтында.

"Технологиялық жабдықтар қалыпты режимде жұмыс істеп, мұнай өнімдерінің жоспарлы көлемін өндіруде" делінген хабарламада.

АМӨЗ "қазіргі кезде зауытта орын алған оқиғаның шұғыл және жүйелі себептеріне нақты талдау жүргізілуде. Сонымен қатар, мұнай өңдеу зауытының жұмысындағы тәуекелдерді барынша азайтып, тұрақты технологиялық процесті қамтамасыз ету бойынша шаралар кешені әзірленуде" деп хабарлады.