В Атырау
+4 
Жетісу облысында «Құсбегілік» ұлттық спорт түрінен жастар арасында Қазақстан Республикасының XIV чемпионаты өтті.
Ұлттық додаға Алматы, Түркістан, Абай, Атырау, Маңғыстау, Шығыс Қазақстан облыстарымен қатар Астана және Алматы қаласының бүркітшілері қатысты. Олар өздерімен бірге 100-ге тарта ителгі, қаршыға және бүркіт ала келді. Бүркітшілер арасында атыраулық Иманғали АБДЫКӘРІМҰЛЫ чемпион атанды. Ол Ы.Алтынсарин атындағы мектептің 10-сынып оқушысы.
Ал, жалпы командалық есепте Түркістан облысы чемпион атанса, Атырау облысы екінші орын, Алматы облысы үшінші орынға жайғасты.
Айта кетейік, құсбегіліктен ересектер арасындағы XVI ҚР Чемпионаты биыл 24-26 ақпан күндері Атырау қаласында, Жаңаталап ауылында ұйымдастырылмақ. Бұған дейін құсбегілер сайысы Атырауда 6 жыл бұрын ұйымдастырылған еді.
Нұрбейбіт НҰҒЫМАНОВ
Сурет облыстық спорт басқармасынан