Полиция департаментінде кадрлық ауыс-түйіс

Атырау облысы Полиция департаменті бастығының бұйрығымен Көші-қон қызметі басқармасы бастығы лауазымына полиция подполковнигі Әділжан Жаншин тағайындалды.

Жаңа лауазымға дейін Әділжан Мұратұлы көші-қон қызметі басқармасы бастығының орынбасары лауазымын атқарды.

Көші-қон қызметі басқармасы бастығының орынбасары лауазымына полиция подполковнигі Қадырбек Салауатұлы Әбішев (суретте оң жақта) тағайындалды. Ол бұған дейін Атырау қаласы Полиция басқармасы көші-қон қызметі бөлімінің бастығы болды.

Басқарманың жаңа басшысы мен орынбасарын департамент бастығының бірінші орынбасары полиция полковнигі Абдіғани Сейдуалиев басқарманың жеке құрамына таныстырды.

Ләззат ҚАРАЖАНОВА

Атырау облыстық ПД жолдаған суреттер