В Атырау
+2 
Қызылқоға аудандық соты жергілікті тұрғынға қатысты ҚР Қылмыстық кодексінің 131-бабының 2-бөлігі («Бұқаралық ақпарат құралдарын немесе ақпараттық-коммуникациялар желілерін пайдалана отырып қорлау, яғни басқа адамның абыройы мен қадiр-қасиетiн әдепсiз түрде кемсiту») бойынша қылмыстық істі қарады.
Соттың баспасөз қызметінің хабарлауынша, бұл дерек сотта анықталған. Арызданушы өз арызында құқық бұзушы «өзіне құрметсіздік көрсетіп, Facebook әлеуметтік желісінде жалған ақпарат тарату арқылы оның ар-намысы мен қадір-қасиетін көпшілік алдында әдепсіз түрде қорлады» деп көрсеткен.
– Сот талқылауы басталғанға дейін тараптар медиация тәртібімен татуласу туралы келісім түсті. Кәсіби емес медиатордың қатысуымен аталған жанжалды медиация тәртібімен реттеу туралы келісім жасалып, онда жәбірленуші Т., сотталушы А.-ны кешіріп, татуласуына байланысты қылмыстық істі тоқтатуды сұрады, - деп хабарлайды соттың баспасөз қызметі. Сот істі тоқтату туралы қаулы шығарды.
Дайындаған Айнұр САПАРОВА