Атыраулық кәсіпкерлерге 1,9 млрд теңге субсидия бөлінеді

Бұл туралы облыстық Кәсіпкерлік және туризм басқармасының басшысы Нұрбол ЖАҢАБЕКОВ мәлім етті, деп хабарлайды Өңірлік коммуникациялар қызметі.

Өңірде субсидиялау, кепілдеме беру, жеңілдікпен микрокредиттеу және мемлекеттік гранттар беру қарастырылған «2021-2025 жылдарға арналған кәсіпкерлікті дамыту жөніндегі Ұлттық жоба» жоспары жүйелі жүзеге асып келеді.

Бұл жерде субсидиялау дегеніміз – банктердің бизнесті дамытуға беретін несиелерінің сыйақы мөлшерлемесін төмендету деген сөз. Ал кепілдеме беру – банктердің несиелері бойынша кепілзат ретінде ішінара кепілдік беру болып табылады. Бұл құжатты бұған дейінгі жасап шығарылған мемлекеттік бағдарламалардың барлығын кірістіре отырып, Ұлттық экономика министрлігі әзірлеген. 

- Ұлттық жоба шеңберінде несиенің пайыздық мөлшерлемесін субсидиялауға бюджеттен 6 млрд теңге бөлінді. Нәтижесінде несие сомасы 35,6 млрд теңге құрайтын 1176 кәсіпкер жобасы субсидияланды. Енді 1636 жаңа жұмыс орны ашылады деп күтілуде,- деді Н.Жаңабеков. Толық ақпарат алу үшін Атырау қаласы Азаттық даңғылы, 17 мекенжайында орналасқан «Даму» кәсіпкерлікті дамыту қоры» АҚ-ның Атырау облысы бойынша аймақтық филиалына хабарласа алады. Байланыс телефоны: 8(7122)55-80-91.

Дайындаған Ләззат ҚАРАЖАНОВА