Привокзальныйда өрт сөндірушілер өрттен 6 адамды құтқарды

24 қаңтарда сағат 17:24-те ТЖД-не Привокзальный, 5 ықшамаудандағы №18 мекен-жайында орналасқан  бес қабатты тұрғын үйден өрт шыққаны жөнінде шақырту түсті. Өрт сөндірушілер жеткен кезде, 2-қабаттағы пәтердің - жатын және ас үй бөлмелері, жиһаздар мен тұрмыстық техникалардың жанып жатқаны анықталды.

Өрт сөндірушілер автосатының көмегімен және баспалдақ арқылы 6 адамды (оның ішінде 4 баланы) қауіпсіз жерге алып шықты. Өрт салдарынан 53 жастағы пәтер иесі күйік алып, облыстық ауруханаға жатқызылды.

Өрт сағат 17:44-те жойылды. Өрт сөндірушілер көрші пәтерлерге өрттің таралуына жол бермеді. Өрттің себебі анықталуда.  

Дайындаған Ләззат ҚАРАЖАНОВА

Атырау облысы ТЖД ұсынған суреттер мен бейнежазба