Саламаттың супермарафоны

Жаттықтырушысыз, үйінен жырақта құрманғазылық жігіт қарапайым адам жасай алмайтын 120 шақырым қашықтықтағы жарысқа қатысып, туған жеріне бірінші орын алып келді.

Саламат СӘТЕКОВ Атырау облысы Құрманғазы ауданындағы шағын Нұржау ауылының тумасы. Жүгірумен айналысқысы келгені соншалықты, 16 жастан бастап жүгіру оның сүйікті хоббиіне айналды. Оның таңдауы ең қиын - ультрамарафонға түсті, бұл классикалық 42,195 шақырымнан айтарлықтай асатын қашықтықты білдіреді. Бірнеше нұсқасы бар, ал Саламат 120 шақырымды таңдады. Мәлімет үшін: ультрамарафон бүкіл әлемде жыл сайын өткізіледі және тіпті кәсіби спортшылар үшін де экстремалды сынақ болып саналады. Түсінікті себептермен супермарафон Олимпиада ойындарының бағдарламасына енбеген. Стадионда 200 метрлік қысқа шеңбер бойымен бірнеше сағат жүгіруге төтеп бере алатындар аз...

– Мені марафонға досым Ербол ШАМУРАДОВ шақырды, мен бірден келістім. Мен сияқты тағы 10 адам болды. Содан бері екі ай бойы ұзақ та ауыр жаттығулар басталды.

Айтпақшы, жігіттің отбасы, балалары және жұмысы бар (ол жүк тиеуші). Сондықтан түнде жаттығуға тура келген. Күндіз ісік пен мүйізгектен аяқ киімінің бауларын байлай алмайтын кездері болған.

– Қаңтар айында Қарағандыға бардық – онда «Өзі-өзіңнен асып түсу» деп аталатын ультрамарафон өтті. Оған Қазақстанның әртүрлі қаласынан барлығы 50 адам қатысты. Жарыс таңғы сағат 8-де басталды, 72 шақырымнан кейін аяғымды сезбей қалдым. Әр 20 шақырым сайын бірдеңе жеу керек екен, бірақ мен керісінше, асқазанға тамақ жеп күш салмау керек деп ойладым... Апельсин жеп, су іштім, бірақ кенеттен аяғымның қатты қарысып қалғаны сонша, оны кесіп тастаса екен дедім. Бәрі жақсы болады деген үмітпен аяғымды уқалай бердім. Маған тұзды су ішу керек екенін айтты. Ауырсыну басылғанша екі сағат күтуге тура келді, содан кейін әрі қарай жүгірдім. Күш-қуатымды жинап, қалған 48 шақырымды 4 сағатта өтуім керек деп есептедім. Сөйтіп бірінші орынды жеңіп алдым, - дейді Саламат.

Алты айдан кейін ол тағы бір ультрамарафон өткізуді жоспарлап отыр. Іске сәт!

Анастасия ШЕРСТЯНКИНА

Саламат Сәтеков жолдаған суреттер мен бейнежазба