Өзбекстан Тәжікстаннан қосымша энергия импорттай бастады

Өзбекстан Сурхандария облысына Тәжікстаннан қосымша электр қуатын импорттай бастады, деп хабарлайды Zakon.kz.

Қатты суыққа байланысты Сурхандария облысын электр энергиясымен қамтамасыз ету үшін Өзбекстан Тәжікстаннан қосымша электр қуатын импорттай бастады, деп мәлімдеді "Өңірлік электр желілері" кәсіпорнының Сурхандария филиалының баспасөз қызметі.

18 қаңтардан бастап Шүршін, Алтынсай, Құмқорған және Жарқорған аудандарында энергияның 70 пайызы, Бандыхан, Қызырық, Шерабад облыстарында 90 пайызы, Байсұн, Сарыасы, Ұзын және Денау аудандарында 100 пайызы Тәжікстандағы "Регар-500" қосалқы станциясынан тасымалданады.

Термез және Жарқорған аудандарында 30%, Музрабад, Ангор және Шерабад аудандарында 10%, Термез қаласында 100% энергия – барлығы 196 МВт – Өзбекстан ресурстары есебінен қамтамасыз етілген.

Өзбекстан 2018 жылдың сәуір айынан бері Тәжікстаннан энергия сатып алады. Келісімдерге сәйкес импорт көлемі сұранысқа байланысты реттеледі.

Ташкентте электр, жылу және газбен қамтуда қиындықтар туындап жатыр. Тұрғындар далаға шығып, отқа тамақ пісіре бастады. Өзбекстан астанасында әскерилер мен Ұлттық ұлан жылжымалы жылыну пункттерін ашты.