В Атырау
+17 
Украина үкіметі парламентке президент Владимир Зеленскийдің тапсырмасы бойынша дайындалған және Украина билігі Ресеймен байланысы бар деген қорытындыға келген жағдайда украин православие шіркеуіне тыйым салуға бағытталған заң енгізді. Бұл туралы Жоғарғы Рада сайтында жарияланған хабарламада айтылған, деп жазады Inbusiness.kz.
Радада тіркелген заң жобасының бастамашысы Украина Премьер-Министрі Денис Шмыгал.
Жоғарғы Рададағы Үкіметтің өкілі Тарас Мельничук өзінің Telegram-арнасында ұсынылған заң жобасы елдің қолданыстағы заңнамасына "Басқару орталығы (басқармасы) Украинадан тыс жерде, Украинаға қарсы қарулы шабуылды жүзеге асыратын мемлекетте орналасқан діни ұйымдардың қызметі мүмкін емес" деп өзгертулер енгізуді көздейтінін айтты.
Жақында Украина билігі украин православие шіркеуіне (УПШ) қарсы әрекеттерді күшейтті. Қараша айының соңынан бастап Украинаның қауіпсіздік қызметі бүкіл елдегі ғибадатханаларында тінту жүргізді, бірнеше иерархтарға мемлекетке опасыздық жасады деген айып тағылды. 1 желтоқсанда Зеленский Украинаның Ұлттық қауіпсіздік және қорғаныс кеңесінің УПШ-ға тыйым салуға бағытталған шешімін қабылдады.