В Атырау +12.6 
Ресей Федерациясының Украинаға қарсы басқыншылық соғысын аяқтай алатын жалғыз нәрсе – украиндықтардың жеңісі. Нидерланд сыртқы істер министрі Вопке Хукстра осылай мәлімдеді, деп хабарлайды Ulysmedia.kz.
"Қандай жағдай болмасын, бұл қақтығысты шешудің жалғыз жолы – оны майдан алаңында жеңу екені анық. Сондықтан Украинаға көбірек қару қажет, біз шындыққа тура қарауымыз керек. Егер күш-жігерімізді шектесек, осы уақытқа дейін жасаған барлық ісімізден нәтиже болмайды", - деді Нидерланд СІМ басшысы.
Ол Ресейдің басып кіруі Украинада энергетикалық дағдарыс тудырғанын, басқыншының жойқын әрекеттері климаттың өзгеруін тездеткенін атап өтті.
"Күш-жігерімізді біріктіру арқылы біз бүгінгі қиындықтарды шешуде маңызды рөл атқара алатынымызға сенімдімін. Атап айтқанда, Украинадағы соғыста", - деп атап өтті Хукстра.