В Атырау
+23 
20 желтоқсан күні сағат 18:00-де қаланың мөлтек аудандарында орналасқан мерекелік шыршалардың шамы жағылмақ. Бұдан басқа, тұрғындарға, кішкентай бүлдіршіндерге мерекелік көңіл-күй сыйлау мақсатында қала аумағында әр түрлі мерекелік іс-шаралар өтеді.
- Желтоқсан айының 24, 25, 31 және 1-қаңтар күні «Сарайшық» коммуналдық базарында ауыл шаруашылық өнімдерін сататын жәрмеңке ұйымдастырылады. 24-29 желтоқсан аралығында М.Өтемісұлы атындағы академиялық қазақ драма театрында кішкентай бүлдіршіндерімізге арналған ертеңгіліктер өтеді. Дәл осындай ертеңгіліктер желтоқсан айының 26-30 аралығында Атырау қаласына қарасты жеті ауылдық округтердегі мәдениет үйлерінде де өтеді. Жаңа жылдың 2-5 қаңтар аралығында Құрманғазы атындағы Мәдениет сарайында баларға арналған ертеңгілік өз жалғасын табады, - деді Атырау қаласы әкімінің орынбасары Н.Ермұханов.
Оның айтуынша, 31 желтоқсан күні Сұлтан Бейбарыс алаңында қала халқы мен қонақтары үшін Атырау қаласының өнерлі жастарының қатысуымен мерекелік концерт өтеді. Іс-шара соңы мерекелік от шашумен аяқталмақ.
Нұрбейбіт НҰҒЫМАНОВ