Ресей Ираннан алған дрондарымен Киевке тағы да шабуыл жасады

1 020 просмотра

Дүйсенбіге қараған түні Ресей Киевке тағы да дронмен шабуыл жасаған, деп хабарлайды Азаттық радиосы.

Киевте әуе дабылы үш сағатқа жуық қосулы тұрған. Киев мэрі Виталий Кличко қаланың Соломенск және Шевченковск аудандарында бірнеше жарылыс болғанын хабарлады.

Киевтің қалалық әскери әкімшілігінің басшысы Сергей Попко түнде Украина астанасына Ресей Иранның жиырмадан астам "Шахид" дронымен шабуыл жасағанын, оның 15-ін әуе қорғанысы атып түсіргенін мәлімдеді.

Кейбір дрондар маңызды инфрақұрылымдарға құлаған. Екі адам зардап шеккен.

Кеше Украина билігі Ресей зымыранмен атқылағаннан кейін жылу жүйесін қалпына келтіргенін мәлімдеген.

16 желтоқсанда Ресей әскері Киевке 40 зымыран атқан.

19 желтоқсан 2022, 12:41

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.