Атырауда үйде газ жарылып, ерлі-зайыптылар ауыр жарақат алды

Бүгін, 17 желтоқсанда таңғы сағат алты шамасында Жұлдыз мөлтек ауданының 21-көшесінде тұрғын үйлердің бірінде жарылыс болғаны туралы шақырту түсті. Өрт сөндірушілер жеткен кезде жалпы ауданы 50 шаршы метр болатын шағын тұрғын үйде газды-ауа қоспасының салдарынан жарылыс болғанын анықтады.

Өрт салдарынан 49 жастағы үй иесі мен оның 48 жастағы әйелі ауыр дәрежедегі (денесінің 90% -ы) күйік алып, облыстық ауруханаға жеткізілген. 

- Өрт сағат 7-де сөндірілді, сөндіруге 9 қызметкер мен 2 техника жұмылдырылды, - деп хабарлайды Атырау облысы ТЖД қоғаммен байланыс тобы.

Ләззат ҚАРАЖАНОВА

ТЖД жолдаған суреттер