Алматыдағы рейдерлік тәркілеу: жаңа күдіктілер анықталды

ҚР Қаржылық мониторинг агенттігі ұзақ уақыт бойы рейдерлік тәркілеумен айналысып келген бір топ адамның әрекетіне тосқауыл қойды, деп хабарлайды Zakon.kz. 

Ведомство өкілдері сотқа дейінгі тергеу аясында 5 қатысушы қамауға алынып, ұйымдастырушы Елдос Қоспаевқа, сондай-ақ оның сенімді адамдары Ерлан Имашев пен Руслан Шалинге іздеу жарияланғанын еске салды. Оларға қатысты сот сырттай бұлтартпау шарасын – "қамауға алуды" санкциялады. 

Сонымен қатар қылмысқа қатысы бар басқа да сыбайластар анықталды. Олар: Айдос Қоспаев, Оксана Кудряшева және Алексей Кузнецов. Бұл адамдар да іздеуде. ҚР ҚМА баспасөз қызметі

Агенттік өкілдері ҚР ҚПК 201-бабы негізінде іс бойынша өзге мәліметтер жария етілмейтінін мәлімдеді.