Атыраулық ұстаз халықаралық байқауда бірінші орынға ие болды

«Зияткер» мамандандырылған мектеп-лицейінің математика пәнінің мұғалімі Есболат БАҒДАРОВ Алматыда өткен математика, физика және информатика пәні мұғалімдерінің IX халықаралық шығармашылық байқауына қатысып, жүлделі бірінші орынға ие болды. ⁣⁣

Байқауға қатысушылар практикалық және әдістемелік блокта бақ сынасқан. Практикалық бөлімде олимпиадалық деңгейде ұсынылған есептерді шешіп, әдістемелік блокта есептердің «дайын шешімдеріндегі» қателерді тапқан. Есболат Бағдаров - Әл-Фараби атындағы Қазақ ұлттық университетінің түлегі. Ұстаздық еткен алты жыл ішінде шәкірттері де, өзі де облыстық, республикалық білім додаларында әлденеше рет жеңімпаз атанған.

Ләззат ҚАРАЖАНОВА

ӨКҚ жолдаған суреттер