В Атырау -1 
8 жастағы оқушы Дінмұхаммед Жаңбырбай нағыз ерлік жасады, деп хабарлайды Polisia.kz. 3 желтоқсанда Жұмыскер маңындағы жағалауда 14 және 9 жастағы екі бала мұз үстінде ойнап жүргенде мұз кенеттен ойылып, екі бала суға түсіп кетеді. Бағына қарай, жандарында Дінмұхаммед болады. Ол екеуін құтқарып қалды.
- Көрген кезде бар ойым оларды құтқарып қалу болды. Мұздың ойығына жүгіріп жетіп, біреуін судан шығардым, ал ол екіншісін шығарды, - дейді 8 жастағы қала тұрғыны.
Кейін оқиға орнына жеткен полиция қызметкерлері балаларға көмек көрсетіп, ата-аналарына аман-есен тапсырған. - Баламды ажалдан құтқарған Дінмұхаммедтің ержүрек әрекетіне алғысымды сөзбен жеткізе алмаймын, өйткені ол өз өмірін қатерге тікті. Осындай абзал ұл тәрбиелеп өсірген ата-анасына да шексіз алғысымды білдіремін, – дейді 9 жасар баланың анасы.
Полиция департаменті жолдаған видео