Атырау, 8 ақпан 04:35
 бұлыңғыр боладыВ Атырау -7
$ 456.98
€ 489.43
₽ 6.45

Байден Путинмен келіссөзге дайын екенін мәлімдеді

928 просмотра

АҚШ президенті Джо Байден Ресей басшысы Владимир Путин Украинадағы соғысты аяқтауға ынта білдірсе, онымен келіссөз жүргізуге дайын екенін мәлімдеді. Ол НАТО-дағы одақтарымен кеңесе отырып, келіссөз жүргізуге болатынын айтты. Алайда Путинмен әңгіме әзірге күн тәртібінде тұрған жоқ. Байденнің Франция басшысы Эммануэль Макронмен кездесуінен кейін өткен баспасөз жиынында айтқан сөзінен Reuters агенттігі үзінді келтіреді, деп хабарлайды Азаттық радиосы.

Кездесу аяқталғаннан кейін Байден мен Макрон ортақ мәлімдеме таратты. Онда екі ел басшысы "Ресейдің Украинаға қарсы заңсыз басқыншылық соғысын түбегейлі түрде айыптайтынын" атап көрсеткен. "Азаматтар мен азаматтық инфрақұрылымға қасақана соққы жасау – әскери қылмыс, оған кінәлілер жауапқа тартылуы тиіс" деп жазылған мәлімдемеде. Одан "Америка дауысы" үзінді келтіреді.

Баспасөз жиынында Макрон Украинадан өзі дайын емес шарттарды қабылдауды талап етпеуге уәде етті, деп жазды Agence France-Presse.

"Франция мен АҚШ Владимир Путиннің басқыншылық ұмтылысы мен Ресейдің Украинадағы соғысына қарсы, соғыс кезекті рет Еуропа құрлығындағы бейбітшілікті бұзды" деді Байден. Франция мен АҚШ сонымен бірге Мәскеудің Украина аймақтарын аннексиялау талпынысын да айыптады. Байден мен Макрон Ресейдің ядролық риторикасына да қарсы шықты.

Байден мен Макрон Украинаға әуе шабуылынан қорғанатын жүйе, Украинаның энергия жүйесін қалпына келтіруге көмектесетін жабдықтар мен халыққы қыстан шығуға көмектесетін ресурс жіберуге уәде етті.

АҚШ пен Франция сонымен бірге халықаралық институттардың көмегімен Ресейді "әскери қылмысы үшін" жауапқа тартуды жоспарлап отыр.

2 желтоқсан 2022, 17:29

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.