Атырау, 1 ақпан 23:54
 бұлыңғыр боладыВ Атырау +1
$ 460.51
€ 498.69
₽ 6.53

Грекияда қазақстандық алмаға арналған ескерткіш орнатылды

615 просмотра

Грекияның Ахарне қаласында Қазақстан мен Грекия арасындағы дипломатиялық қатынастардың 30-жылдық мерейтойына арналған ескерткіш салтанатты түрде ашылды. Онда Сиверс алмасы бейнеленген, деп хабарлайды Sputnik Қазақстан елшіліктің ресми сайтына сілтеме жасап.

Ескерткіште қазақстандық алманы Грекияда бейбітшілік пен гүлденудің белгісі болып саналатын зәйтүн бұтағы орап тұр. Ерекше мүсін қоладан құйылды. Оны Қазақстаннан көшіп барған кәсіпкерлер Иоаннис пен Константин Петридистердің демеушілігімен жасап шығарды. Олар тарихи отанында "DKG Development" компаниясының негізін қалады.

Грекия астанасының орталығынан 11 шақырым жерде орналасқан Ахарне қаласында 30мыңнан астам қазақстандық гректер тұрады. Қала басшысы Спиридон Вреттос  ескерткішті орнатуға бірден қолдау білдірді.

Ал жергілікті кеңес депутаттары оған орталықтан орын беруге бірауыздан шешім шығарды. Ескерткіш қалалық әкімдік ғимаратына тура қарама-қарсы жерде тұр.

30 қараша 2022, 15:37

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.