Нұржаудағы жолдар мен тротуарлар құрылысы жаңа жылға дейін аяқталмақ

«Ауыл – ел бесігі» бағдарламасы аясында атқарылып жатқан Құрманғазы ауданы Нұржау ауылындағы кірме және ауылішілік көлік жолдарының құрылысы жыл соңына дейін аяқталмақ.

Қайта жаңғырту жұмыстары 2020 жылы басталған, мердігері - «Атырау Жолдары» ЖШС.

- Нұржау ауылдық округінің сегіз көшесіне асфальт төсеп, жаяу жүргіншілер жолын салып жатырмыз. Қазіргі кезде жолдың 10 шақырымның 7 шақырымына асфальт төсеу жұмыстары аяқталып, жаяу жолдар толық аяқталды, - деді «Атырау Жолдары»  ЖШС-нің учаске басшысы Наурызбек САБИРОВ. - Инерттік материалдардың тапшылығы, теміржол тасымалы сынды кейбір кедергілер болды. Дегенмен, жыл аяғына дейін құрылыс жұмыстарын аяқтауды жоспарлап отырмыз.

Нұрбейбіт НҰҒЫМАНОВ

Суретті ӨКҚ жолдады