Атырау, 1 желтоқсан 09:30
 ашықВ Атырау -1
$ 468.90
€ 485.64
₽ 7.70

Сенат депутаты Владимир Соловьевтің Қазақстан туралы мәлімдемесіне пікір білдірді

749 просмотра

Сенатор, Халықаралық қатынастар, қорғаныс және қауіпсіздік комитетінің төрағасы Мұхтар Құл-Мұхаммед "Россия 1" телеарнасында журналист Владимир Соловьевтің Қазақстан туралы айтқан мәлімдемесіне қатысты пікір білдірді, - деп хабарлайды Tengrinews.kz тілшісі.

"Соловьев бұрыннан әлемнің көптеген елдеріне қарсы пікір айтып жүретіндердің бірі, сондықтан болар қазір санкциялық қара тізімдердің басында жүр", - деді Құл-Мұхаммед.

Ол бұрын да "Россия 1" телеарнасында Соловьевтің Алматыны "бомбалау" туралы ашық ұсынғанын еске алды.

"Жалпы, Соловьев өзі жиі артық сөйлеп, өз бағдарламасының қонақтарын шулы мәлімдемелерге итермелейді. Өзін әдепсіз ұстайды", - деп есептейді сенатор.

Ол ресейлік саясаттанушы Дробницкийдің "Ресей үшін Украинадан кейінгі проблема - Қазақстан" деген мәлімдемесі біздің елге тікелей қауіп төндіретінін ашық айтты.

Еске салайық, Ресейдің "Россия 1" телеарнасындағы бағдарламада сарапшылардың бірі "Ресей үшін Украинадан кейінгі проблема - Қазақстан" екенін айтқан. Бұл мәселеге қатысты Сыртқы істер вице-министрі Роман Василенко пікір білдірген болатын.

24 қараша, 14:40

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.