Атырауда сайлаушылар қолөнер көрмесін тамашалады

Атырау қаласы Жұлдыз ықшам ауданындағы №39 жалпы білім беру орта мектебінде орналасқан №251, 252 сайлау учаскесіне келушілер үшін жергілікті қолөнершілер Нұрсұлтан Қалиевтің ағаш-тері бұйымдары мен Айнұр Меңдібайдың қолөнер бұйымдары және мектеп оқушыларының үздік туындылары қойылған көрме ұйымдастырылған.

- Сайлау учаскесіне келушілер ұлттық бұйымдарымызбен танысып, кейбірі ұнатқан дүниесін сатып алып жатыр. Басты мақсат - халыққа ұлттық өнерді насихаттау, қолөнершілердің еңбегін бағалау, оларды таныту.. Халықтың сайлауға белсенді қатысып жатқаны қатты қуантады, - деді №39 жалпы білім беру орта мектебінің мұғалімі Рита Мұқанова. 

Дайындаған Нұрбейбіт НҰҒЫМАНОВ