В Атырау +25.7 
Атырауда апта соңында, яғни 19 және 20 қараша күндері әлеуметтік маңызы бар азық-түлік тауарларының жәрмеңкесі өтеді, деп хабарлайды Өңірлік коммуникациялар қызметі.
Жәрмеңке Атырау қаласының әкімдігі ұйымдастыруымен сағат 08:00-ден 15:00-ге дейін «Сарайшық» коммуналдық базарында Атырау қаласының тауар өндірушілері мен шаруашылық құрылымдарының қатысуымен өтеді.
- Жәрмеңкеге облыс бойынша 30-ға жуық кәсіпкер қатысады деп күтілуде. Тауар бағасы нарықтағыдан 10-15%-ға төмен болады. Қала тұрғындарын күнделікті қажет деген азық-түлік өнімдерін төмен бағада сатып алуға шақырамын, деді қалалақ кәсіпкерлік бөлімінің басшысы Руслан Дәулетов.
Айта кетейік, аталған жәрмеңке жыл басынан бері 110 мәрте ұйымдастырылып отыр.
19 қараша 2022, 00:38