Атырауда заңсыз жүрген Өзбекстанның 30 азаматы елден шығарылды

Олардың бәрі «Мигрант» жедел-алдын алу іс-шарасы аясында ұсталып, Атырау қаласының ауданаралық мамандандырылған әкімшілік сотының шешімімен ҚР аумағынан шығарылды. 

- Өзбекстан Республикасының консулдық қызметінің күшімен олар «Өз еліне қайтару куәлігін» алып, шекараға дейін арнайы ұйымдастырылған автобуспен жеткізілді, - деді Атырау облыстық ПД Көші-қон қызметі басқармасы бастығының міндетін атқарушы Әділжан ЖАНШИН. - Анықталғандай, шетелдік келімсектер Атырау қаласына 2008 жылы ешқандай құжаттарсыз келіп, тұрғылықты мекен-жайы жоқ азаматтар қатарына қосылып, қайыршылықпен айналысқан.

Дайындаған Ләззат ҚАРАЖАНОВА

ПД ұсынған сурет