Трамп АҚШ президенттігіне кандидат болуға өтініш берді

Ақ үйдің бұрынғы басшысы Дональд Трамп АҚШ президенттігіне кандидатурасын ұсынуға өтініш берді, деп хабарлайды Zakon.kz.

Құжатты Федералдық сайлау комиссиясы жариялады, деп жазды РИА Новости. Демек, Трамп 2024 жылғы президенттік сайлауға кандидат ретінде тіркелді.

8 қарашада саясаткер "маңызды хабарландыру" айтатынын, оны 15 қарашада Флоридадағы резиденциясында жариялайтынын мәлімдеген еді.

Дональд Трамп Америка Құрама Штаттарының 45-президенті болды. Ол бұл қызметті 2017 жылғы 20 қаңтардан 2021 жылғы 20 қаңтарға дейін атқарды.

АҚШ-та президент сайлауы 2024 жылғы қарашада өтеді.