Мәжіліс отырысы бір минут үнсіздікпен басталды

Мәжіліс отырысы Шахтинскіде қаза тапқан кеншілерді бір минут үнсіздікпен еске алумен басталды, - деп хабарлайды Tengrinews.kz.

"Қарағанды облысының Шахтинск қаласында 3 қарашада 5 адам қаза тапты. Бүкіл депутаттар атынан қаза болған кеншілердің отбасылары мен жақындарына көңіл айтамын. Осыған байланысты марқұмдарды бір минут еске алуды ұсынамын", - деді Мәжіліс төрағасы Ерлан Қошанов.

Еске салайық, 3 қарашаға қараған түні Қарағанды облысының Шахтинск қаласындағы "АрселорМиттал Теміртау" шахталарының бірінде төтенше жағдай орын алған болатын.