Атырауда тай боксы жақсы дамыған

«Нұрсая» спорт кешенінде муай-тайдан «Батыс Кубогі» республикалық турнирі өз мәресіне жетті, деп хабарлайды Өңірлік коммуникациялар қызметі.

Іс-шара облыстық Дене шынықтыру және спорт басқармасы, облыстық муай-тай федерациясы және «Қайсар» спорт клубының ұйымдастыруымен өтті. Онда 180 спортшы бақ сынады. Турнир нәтижесі бойынша командалық есепте 1-орынға Атырау облысы, 2-орынға Қызылорда облысы, 3-орынға Орал қаласының командасы ие болды. 

 Айта кетейік, бүгінде облыста муай-тай шығыс жекпе-жегі Атырау қаласында және Мақат ауданында қарқынды түрде дамып, 2 мыңға жуық адам тұрақты шұғылданады.

Ләззат ҚАРАЖАНОВА

ӨКҚ ұсынған суреттер