В Атырау
+18 
Денсаулық сақтау министрі Ажар Ғиният дәрігерлердің қателігі үшін жазаны жеңілдетуді ұсынды. Бүгін мәжілісте арнайы заң жобасы таныстырылды, деп хабарлайды Sputnik Қазақстан тілшісі.
Министрдің айтуынша, бүгінде дәрігерлік қателік үшін жаза қатаң, Соның салдарынан білікті мамандар денсаулық сақтау саласына келмейді, я болмаса, кетіп қалып жатады.
"Денсаулық сақтау министрлігі заң жобасы шеңберінде медицина және фармацевтика қызметкерлерінің кәсіптік міндеттерін тиісінше орындамағаны үшін қылмыстық құқық бұзушылықтарды ізгілендіру және Қылмыстық кодекстің 317-бабының санкциялық шараларын төмендету бойынша нормаларды ұсынып отыр. Мысалы, денсаулыққа байқаусызда орташа және ауыр зиян келтіргені үшін айыппұл мөлшерін және қамауға алу мерзімін азайтау, денсаулығына ауыр зиян келген немесе пациент қайтыс болған жағдайда бас бостандығын айыру жазасының мерзімін қайта қарап, бас бостандығын шектеуге ауыстырылсын деген норма енгізіліп отыр", - деді Ғиният мәжілістегі отырыста.
Осы заң жобасымен медицина қызметкерлерінің кәсіби жауапкершілігін сақтандыру жүйесін енгізу де ұсынылып отыр. Соның есебінен зардап шеккен пациенттерге төлемақы беріледі.
WhatsApp арқылы хабар жіберу