В Атырау
-1 
Бүгін, 2 қыркүйекте Атырау облыстық сотының қылмыстық істер жөніндегі сот алқасы Атырау облысы әкімінің бұрынғы бірінші орынбасары Нұрлан ТАУБАЕВ пен құрылыс басқармасының бұрынғы басшысы Тимур БАСАРОВҚА қатысты үкім шығарды.
Бірінші сатыдағы сот үкімін апелляциялық тәртіппен қарау 2 тамызда басталып, тура бір айға созылды. Сотталушы Таубаев пен оның адвокаттары үкіммен келіспей, апелляциялық шағымдарында оның күшін жойып, Таубаевты ақтауды, сондай-ақ соттан жазаны колония-қоныстан қатаң режимге ауыстыруды сұраған прокурордың өтінішін жоюды сұрады.
Нәтижесінде алқа шыққан үкімді өзгертуге немесе жоюға және апелляциялық шағымдар мен прокурордың апелляциялық өтінішінің дәлелдерін қанағаттандыруға негіз жоқ деген қорытындыға келді.
– Атырау облыстық сотының қылмыстық істер жөніндегі сот алқасының қаулысымен сотталғандарға қатысты бірінші сатыдағы соттың үкімі өзгеріссіз қалдырылып, апелляциялық шағымдар мен прокурордың апелляциялық өтініші қанағаттандырылмады, – деді облыстық сотының қылмыстық істер жөніндегі сот алқасының төрайымы Раиса АҚҚҰЛОВА.
Еске салсақ, 17 мамырда сот екі сотталушыны да пара алуға әрекеттенгені үшін кінәлі деп тауып, Таубаевты 10 жылға, Басаровты 5 жылға бас бостандығынан айырды.Үкімде олардың жәбірленушіден ірі көлемде пара бопсалаудағы кінәсі толық дәлелденгені айтылған. Атап айтқанда, Таубаев ҚК-нің 24-бабының 3-бөлігі, 366-бабының 4-бөлігінде (Жауапты мемлекеттік лауазымды атқаратын тұлғаның бопсалау арқылы адамдар тобының алдын ала сөз байласуымен аса ірі мөлшерде пара алуға оқталуы) бойынша кінәлі деп танылды. ) және Басаров ҚК-нің 28-бабының 5-бөлігі, 24-бабының 3-бөлігі, 366-бабының 4-бөлігінде (Көрсетілген әрекеттерге жәрдемдесу) қарастырылған қылмыстарды жасауда кінәлі деп танылды.
Айнұр САПАРОВА