Қаңтар оқиғасы бойынша экс-министр Ерлан Тұрғымбаевтан жауап алынды

1 335 рет қаралды

Бұрынғы Ішкі істер министрі Ерлан Тұрғымбаев қаңтардағы тәртіпсіздіктерге қатысты жауапқа тартылды, деп хабарлайды Azattyq Ruhy.

Ерлан Тұрғымбаевтан Бас прокуратураның Ведомствоаралық жедел-тергеу тобы тергеп жатқан қылмыстық іс бойынша куәгер ретінде жауап алынды.

Тергеу мүддесіне орай басқа ақпарат жария етілмейді.

Еске салсақ, 2022 жылдың қаңтарында еліміздегі жаппай наразылық соңы тәртіпсіздікке ұласқан еді. Кей қаладағы заңсыз әрекеттер қауіпсіздік күштерімен қақтығысқа, жаппай қирату мен тонауға ұласқан болатын. Сол уақытта елде төтенше жағдай режимі енгізілді.

25 ақпанда Президент Қасым-Жомарт Тоқаевтың Жарлығымен Ерлан Тұрғымбаев ҚР Ішкі істер министрі қызметінен босатылды.

17 тамызда ол Қазақстан Президентінің кеңесшісі қызметінен босатылды. Ол бұл қызметке осы жылдың ақпан айында тағайындалған болатын.

31 тамыз 2022, 15:44

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.