Атырау, 28 наурыз 21:28
 ашықВ Атырау 0
$ 449.58
€ 486.94
₽ 4.86

Оралдағы кәсіпкердің өлімі: күдіктілер ұсталды

975 просмотра

Оралда кәсіпкерді өлтіргенді деген күдіктілер ұсталды, - деп хабарлайды Tengrinews.kz тілшісі.

ІІМ өкілдері іс министр Марат Ахметжановтың бақылауында екенін айтты. 

"Арнайы операция нәтижесінде күдіктілер ұсталды. Іс Қылмыстық кодекстің 99-бабы 2-бөлігіне қайта сараланды, онда 20 жылға дейін бас бостандығынан айыру немесе өмір бойына бас бостандығынан айыру жазасы қарастырылған. Іс Ішкі істер министрінің бақылауында", - деді ІІМ өкілдері.

БҚО ПД мәліметінше, кісі өлтіруге тараптар арасындағы тұрмыстық жанжал себеп болған.

"Куәгерлердің айтуынша, кісі өлтіруге басты себеп - жалақының төленбеуіне байланысты туған тұрмыстық жанжал", - деді БҚО полиция департаментінің баспасөз қызметіндегілер.

Кәсіпкерді өлтірді деген күдіктілер

Еске салайық, оқиға 6 тамызда кешке болған еді. Еркін Мұханғалиевтің мәйіті П.Атоян атындағы стадионның тұрағынан табылды. Күдіктілердің жеке басы анықталды - олар кісі өлтіргеннен кейін оқиға орнынан қашып кеткен 31 жастағы Руслан Қожантаев пен 21 жастағы Тұрлан Амангелді.

Оралдан шығатын және кіретін жолдарды полицейлер тексеріп, күдіктілер баруы мүмкін деген жерлер тексерілді. Қылмыскерлерді ұстауға күш құрылымдры жұмылдырылды.

Артынша  оралдық кәсіпкерді өлтірген сәттің видеосы тараған еді. Кадрда кәсіпкердің екі жігітпен дәмханада қалай сөйлесіп жатқаны көрсетілген. Кенеттен жанжал басталып, жігіттердің бірі кәсіпкердің мойын тұсына пышақ сұғып алады. Содан кейін ол тағы бірнеше рет ұрады. Жарақат алған Мұханғалиев терезеден шығып үлгереді, бірақ олар оны қуып жетіп, көшеде тағы 15 рет пышақтаған. Кәсіпкер жедел жәрдем келгенше қайтыс болды.

Еркін Мұханғалиевке шабуыл жасалған сәт

8 тамыз 2022, 12:18

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.