О
ралда кәсіпкерді өлтірген күдіктілерді іздеу жалғасуда. Іздестіру жұмыстарына ішкі әскер де кірісті, деп хабарлайды Экспресс К Батыс Қазақстан облыстық Полиция департаментіне сілтеме жасап.
Аса ауыр қылмыс жасаған екі ер адамды іздеуге Полиция департаментінің барлық жеке құрамы жедел-іздестіру іс-шараларын жүргізіуде.
Қала көшелерінде блок-бекеттер қойылды, барлық автокөлік құралдары тексерілуде, барлық аудандық полиция бөлімдеріне, БАҚ және әлеуметтік желілерге хабарлар жіберілді. ҚР ҚК 99-бабы бойынша қылмыстық іс қозғалды, — делінген хабарламада.
Айта кетейік, 6 тамызда сағат кешкі 20:00 шамасында екі белгісіз адам Орал қаласының тұрғынына бірнеше пышақ жарақатын салып, қылмыс орнынан қашып кеткен. Ер адам жедел жәрдем келгенге дейін қайтыс болған. Марқұмның кәсіпкер екендігі, мейрамхана бизнесімен айналысқаны анықталды.