Елімізде тағы екі кәсіби мереке пайда болуы мүмкін

Ұлттық экономика министрлігі еліміздегі мерекелер тізіміне толықтырулар әзірледі, деп хабарлайды baq.kz.

«Қазақстан Республикасындағы мерекелік күндердің тізбесін бекіту туралы» Қазақстан Республикасы Үкіметінің 2017 жылғы 31 қазандағы № 689 қаулысына толықтыру енгізілмек.

Оған келесі кәсіби мерекелерді қосу ұсынылып отыр:

- 9 қыркүйек – Қазақстан кәсіпкерлері күні;

- 19 желтоқсан – жарнама маманы күні.

Қаулыға толықтыру енгізу туралы құжаттар Ашық НҚА сайтында жарияланған. Кәсіпкерлер мен жарнама мамандарының күні туралы құжатты талқылау мерзімі 8 тамызға дейін деп көрсетілген.