Атырау, 13 тамыз 23:28
 ашықВ Атырау +34
$ 476.01
€ 490.15
₽ 7.81

Тигран Кеосаян Қазақстанда террористермен бір тізімге енді

846 просмотра

Ресей пропагандисі Тигран Кеосаянды Қазақстан террористермен бір тізімге енгізді, деп хабарлайды ҚазТАГ.

"БАҚ Қазақстан Кеосаянды "жағымсыздар" тізіміне енгізуі мүмкін деген ақпарат жарияласымен оны сол тізімге қосқан. Шекарада оның аты-жөні тұсына "қызыл жалау" қойылған. Ол тізімде Кеосаяннан бөлек террористер және Қазақстанда жағымсыз саналатын өзге элементтер де бар" деген ақпарат көзінің сөзін келтірген агенттік бұл ақпарат "рәсімді бүге-шігесіне дейін білетін" адамнан алынғанын айтады.

Басылымның ақпарат көзінің хабарлауынша, бұған дейін ресми деңгейде берілген уәде бойынша, Кеосаян ақыр соңында Қазақстан елге келуін қаламайтын адамдардан тұратын тізімге енгізілген.

"Шын мәнісінде бұл көлемді тізім, оған негізінен террористер және соларға ұқсас өзге адамдар енгізіледі, енді соларға Кеосаян да қосылды" деген ақпарат көзінің сөзін келтірген басылым.

Қазақстан сыртқы істер министрлігі баспасөз хатшысы Айбек Смадияров Қазақстан аумағына келуіне тыйым салынғандар тізіміне Тигран Кеосаянның да енгізілгенін Азаттыққа растады. Оның сөзінше, "мұндай тізім әлемнің барлық елінде бар". Кеосаянды "террористермен" бір тізімге қосудың себебі жайлы сұраққа Смадияров "ол тізімде кім бар, кім жоғын анық білмеймін" деп жауап берді. 

Оның сөзінше, Кеосаянды әлгі тізімге қосуды Қазақстан сыртқы істер министрлігі ұсынған.

24 маусым, 17:45

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.