16 маусымда сағат 9.29-да Құлсары қаласының №2 мамандандырылған өрт сөндіру бекетіне "1-ықшамаудандағы №22 үйдің ішінен құлыпталған пәтерден дыбыстар естіледі, соған қарағанда оның ішіндегі адам қауіпті жағдайда, сондықтан есікті ашу керек" деген полициядан хабарлама келіп түсті.
- Оқиға орнына жеткен құтқарушылар пәтердің есігін ашып, сол жерде ес-түссіз жатқан ер адамды тапты. Олар алғашқы медициналық көмек көрсетіп, ер адамды есін жиғызып, ауруханаға жатқызу үшін жедел жәрдем қызметкерлеріне тапсырды, - деп хабарлайды Атырау облысы ТЖД қоғаммен байланыс тобы. Құлсары қаласының 41 жастағы тұрғынын құтқаруға қызметкерлер Нұрсұлтан Әділбаев, Төлеген Елеусінов және Саламат Шындәулет қатысты.
Дайындаған Ләззат ҚАРАЖАНОВА