12-13 маусым күндері жеке меншік «Afisha» дүңгіршегінен донер алып жеген атыраулықтар ауруханаға түсті. Арасында бір отбасының мүшелері де бар. Ауруханаға түскендердің ең кішісі - 1 жас 7 ай.
Ауруханаға жеткізілген науқастардың бүгінгі жағдайы туралы Атырау облыстық №2 аурухананың дәрігер-инфекционисті Әділбек МАХАШ айтып берді.
- Біздің стационарға 14 маусымнан бастап жедел ішек ауруларымен науқастар түсіп жатыр. Қазіргі кезде 9 науқас медиктердің тұрақты бақылауымен стационарлық ем алып жатыр. Олардың жағдайы орташа ауыр.
Дәрігердің айтуынша, 14 маусымда 3 науқас, келесі күні 5 науқас, кеше тағы бір науқас ауруханаға түскен. Сондай-ақ, учаскелік дәрігерге қаралып, үйден ем алып жатқан науқастар да бар.
Нұрбейбіт НҰҒЫМАНОВ
Сурет пен бейнежазбаны түсірген автор