Жағажайлар маусымы ашылды

Атырауда 15 маусымнан бастап Жайық жағалауындағы 4 жағажай шомылушыларға ресми ашылды: "Атырау" дене шынықтыру-сауықтыру кешені маңындағы жағажай, Тұрғындар қалашығындағы «Малибу» жағажайы, жаяу жүргіншілер көпірі қасындағы «LUCH» жағажайы және Мечников көшесіндегі «Акварай» бассейні.

Жағажайдағы құтқарушылар Атырау облыстық ТЖД-нің судан құтқару бөлімшесінің базасында жаттығудан өткен. 

- Қала тұрғындарынан кішкентай балаларды су айдындарында қараусыз қалдырмауды ескертеміз. Сондай-ақ, өзенге түсу ережесі мен суға тұншыққан адамға алғашқы кезекте қандай көмек көрсету керектігі туралы нұсқаманы таратып жүрміз, - дейді ТЖД құтқарушылары.

Нұрбейбіт НҰҒЫМАНОВ

Суреттерді түсірген автор