В Атырау -10 
15 маусымға қараған түні Қарамандыбас кен орнында болған өрт бір адамның өмірін қиып кетті, деп хабарлайды Экспресс К.
"Өзенмұнайгаз" АҚ-ның Қарақия ауданы аумағындағы кен орнында оқыс оқиға кезінде "Кезби" ЖШС жұмысшысы өрт болған аумағынан шыға алмай қалған. Аталған деректі облыстық төтенше жағдайлар департаменті растады.
"Кеше түнгі сағат 23:50 де Қарақия ауданы аумағындағы "Өзенмұнайгаз" АҚ игеріп отырған Қарамандыбас кен орнында өрт болды. Мұнайгаз компаниясының №2 мұнай-газ өндіру басқармасыда АПРС-40 қондырғысы мен №49 топтық қондырғысының ұңғымасы отқа оранған. Өртті сөндіру бір сағатқа созылды. Оқиға орнынан жанып кеткен адамның мәйіті табылып, қазір апаттың шығу себебі анықталып жатыр",- деді облыстық Төтенше жағдайлар департаментінің баспасөз қызметі.
Алдын ала анықталған дерек бойынша өртеніп кеткен жұмысшы 1979 жылы туған Бейнеу ауданының тұрғыны. Марқұм "Өзенмұнайгаз" АҚ тапсырысын орындаушы "Кезби" ЖШС-нің машинисі болып қызмет еткен.