Атыраулық полицейлер 13 жыл бұрын жоғалған Қырғызстан азаматшасын тапты

2 129 просмотра

2011 жылы Қырғызстан Республикасының апалы-сіңлілі екі азаматшасы Атырау қаласына киім-кешек сатып, саудамен айналысуға келген. Сол жылы олардың бірі еліне кері оралмақ болып, сіңлісі осы қалада қалуға шешім қабылдайды.

2013 жылы соңғы телефон қоңырауынан кейін сіңлісімен байланыс үзіледі. Аталған жағдай бойынша Атырау облысы ПД бастығымен жедел-іздестіру тобы азаматшаны іздестіруге кіріседі. Белгілі болғандай, азаматша жақындарымен ренжісіп, осылайша байланысты үзген. Туыстары араға біраз жыл салып, азаматшаны өз бетімен іздеп келгенімен, еш нәтиже шықпаған.

Бүгінде олар атыраулық полицейлердің көмегімен туысымен қауышты. Бауырлар ұзақ жылдан кейін табысқан кезде қуаныштың көз жасын жасыра алмады. Жоғалған азаматшаның әпкесі тәртіп сақшыларына отбасымен қауыштырғаны үшін алғысын айтты. - 13 жыл бойы осы сәтті қанша армандап, күттім. Қуанышымда шек жоқ! – деп көзіне жас алды қуанған әпкесі.

Дайындаған Ләззат ҚАРАЖАНОВА

10 маусым 2022, 15:39

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.