Жас «закладчик» 7 жыл жаза алды

Атырауда 17 жастағы «закладчик» 7 жарым жылға бас бостандығынан айырылды.

«Оңай» ақшаның соңынан ерген жігіт өзгенің де, өзінің де өмірін құртты.

Жұмыс іздеп жүріп, Telegram мессенджеріндегі «жоғары жалақыға жаяу курьерлерді» шақырған жарнамаға хабарласады. Ал көп ұзамай синтетикалық есірткіні Атырау қаласының төңірегіндегі құпия жерлерге жасыра бастады. 

– Оңай жолмен материалдық баю мақсатын көздеп, есірткі заттарын сату мақсатында заңсыз тасымалдаумен айналысқан. Нәтижесінде 7 жыл 6 айға бас бостандығынан айырылды, – дейді облыс прокурорының бірінші орынбасары Саян БӘКІРОВ. 

Жалпы, жыл басынан бері Атырау облысында кәмелетке толмағандар тарапынан 20 қылмыстық құқық бұзушылық орын алса, оның 13-і орташа ауырлықтағы, 7-уі ауыр қылмыс. 

Зульфия ИСКАЛИЕВА