Жол жөндеу жұмыстары уақытша тоқтап тұр

1 672 просмотра

«АЖ» оқырманы Олег ЖҰМАХАНОВ: «Бір айдан бері ол жерде жұмыс тоқтап тұр, жолшылар көрінбейді. Бұл жер көп адам үшін негізгі жол, ал айналма жол мүлдем қауіпті, жол тар болғандықтан, онда көлік апаты жиі болып тұрады», деп Балықшыдан Зарослый ауылына дейінгі жол бөлігінде жүргізіліп жатқан жөндеу жұмыстары мәселесін қозғады.

Біз бұл жағдайға қатысты түсініктеме алу үшін қалалық ТКШ, жолаушылар көлігі және автомобиль жолдары бөлімінің басшысы Әлібек МҰХАНБЕТӘЛИЕВҚА хабарластық. Ол былай деп жауап берді:

- Құрылыс-монтаж жұмыстары бекітілген кестеден озып, қарқынды жүріп жатыр: бастапқыда қалпына келтіру жұмыстарын 2023 жылдың қыркүйегіне дейін аяқтау жоспарланған болатын, бірақ мердігер - «Қазақдорстрой» ЖШС тапсырыс берушінің тапсырмасы бойынша нысанды осы жылдың соңына дейін тапсыруды жоспарлап отыр. Бүгінде жұмысшылардың болмауына материалдардың дер кезінде жеткізілмеуі себеп болып отыр. Дегенмен, жағдай тапсырыс берушінің бақылауында, жұмыс жақын арада қайта басталады. Жобаның құны – 3 миллиард 585 миллион 675 мың теңге.

Айнұр САПАРОВА

3 маусым 2022, 12:06

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.