27 мамырда Атырау ҚПБ патрульдік полиция батальонының қызметкерлері Алғабас ауылында көліктің терезесінен денесін шығарып, маневр жасау қағидаларын бұзған Kia Rio жолаушыларын анықтады. Тексеріс кезінде жастар өздерінің мектеп бітіргеніне 3 жыл болғанын атап өтіп жүргенін айтқан.
20 жастағы жүргізушіге қатысты ҚР ӘҚБтК-нің 595-бабының 1-бөлігі ("Маневр жасау қағидаларын бұзу") және 593-бабының 2-бөлігі ("Қауiпсiздiк белдіктерiн немесе мотошлемдердi пайдалану қағидаларын сақтамау") бойынша әкімшілік хаттама жасақталып, 30 630 теңге көлемінде айыппұл салынды. Ал 20 және 19 жастағы жолаушыларға қатысты ҚР ӘҚБтК-нің 615-бабының 1-бөлігі ("Жол жүрісіне өзге де қатысушылардың жол жүрісі қағидалары талаптарын орындамауы") бойынша хаттама жасақталып, әрқайсысына 6 026 теңгеден әкімшілік айыппұл салынды.
Дайындаған Ләззат ҚАРАЖАНОВА